6 დეკემბერს, საბაჟო გამშვები პუნქტის „სარფის" ტერიტორიაზე თურქეთის მხრიდან აზერბაიჯანის მოქალაქე ა.კ. შემოვიდა. მგზავრს დათვალიერებისას აღმოაჩნდა არადეკლარირებული ოქროს ნაკეთობები, საერთო წონით 165,17გრ. საქონლის საბაჟო ღირებულებამ შეადგინა 6456,4 ლარი.
220,29 გრ. ოქროს ნაკეთობები აღმოაჩნდა აზერბაიჯანის მოქალაქე ე.ს.-ს, რომელიც იმავე დღეს, ასევე თურქეთის მხრიდან შემოვიდა „სარფის" ტერიტორიაზე. მის მიერ შემიტანილი საქონლის საბაჟო ღირებულებამ შეადგინა 8612,9 ლარი.
ორივე მოქალაქეს, საქართველოს საგადასახადო კოდექსის 289-ე მუხლის მე-10 ნაწილის მიხედვით, სანქციის სახით შეეფარდა ჯარიმა - შესაბამისად, 6456.4 ლარი და 8612,9 ლარი.
