გადაწყვეტილებაზე რუსეთის ფაქტორმა დიდი გავლენა იქონია", _ამის შესახებ უკრაინის პატრიარქმა ფილარეტმა ,,რუსთავი-2"-თან ინტერვიუში განაცხადა.
მისივე განმარტებით, რუსეთი სხვადასხვა მეთოდებს იყენებს იმისთვის, რომ უკრაინა საბაჟო კავშირში გააწევრიანოს.
"რუსეთი სხვადასხვა მეთოდებს იყენებს იმისთვის, რომ უკრაინა საბაჟო კავშირში გააწევრიანოს და ახალი იმპერიისთვის საფუძვლები შექმნას, შემდეგ ეს კავშირი სლავური ან სხვა სახელწოდების იქნება და ევროკავშირს დაუპირისპირდება. რუსეთის ფაქტორმა დიდი გავლენა მოახდინა ამ გადაწყვეტილებაზე და შედეგიც სახეზეა. სწორედ ამიტომ არის ხალხი გარეთ გამოსული, რომ რუსეთმა თავისი ვერ გაიტანოს. ჩვენ ძალიან ვაფასებთ მიხეილ სააკაშვილის გამოსვლას გენერალურ ასამბლეაზე მან სიმართლე ილაპარაკა",- განაცხადა უკრაინის პატრიარქმა.
ფილარეტის განცხადებით, საპატრიარქოს პოზიციაა ხალხთანაა.
,,ჩვენი პოზიცია ხალხთანაა, მოსახლეობა მოედანზე გამოვიდა, რადგან უკრაინამ უარი თქვა ევროკავშირთან შეთანხმების გაფორმებაზე. მთელი წლის განმავლობაში ხალხი ამისთვის ემზადებოდა და როდესაც ვილნიუსში იანუკოვიჩმა ხელშეკრულებას ხელი არ მოაწერა, ხალხი გაბრაზდა. პირველი ქუჩაში სტუდენტები გამოვიდნენ, მათ არ უნდოდათ ოპოზიციასთან გაერთიანება, რადგან მშვიდობიან აქციას აწყობდნენ, რომ გამოეხატათ თავისი სურვილი ევროპაში გაერთიანებასთან დაკავშირებით, მაგრამ ეს ბავშვები დაარბიეს და სცემეს. ამის შემდეგ აქციებმა უკვე სულ სხვა სახე მიიღო. მათ შეუერთდნენ ოპოზიციის წარმომადგენლები და სიტუაცია იქამდე მივიდა, რომ ხალხმა მთავრობის გადადგომა და ხელისუფლების შეცვლა მოითხოვა", - განაცხადა უკრაინის პატრიარქმა.
