,,ქვეყნის იმიჯი იზომება იმით თუ როგორ ზრუნავ საკუთარ მოქალაქეზე", -ამის შესახებ, პრემიერ-მინისტრმა ირაკლი ღარიბაშვილმა კანცელარიაში აშშ-ის სახელმწიფო მდივნის თანაშემწესთან ვიქტორია ნულანდთან ერთად გამართულ ერთობლივ პრესკონფერენციაზე განაცხადა.
ღარიბაშვილის განმარტებით, კანცელარიასთან შეზღუდული შესაძლებლობების მქონე პირებისთვის სპეციალური პანდუსი აშშ-ის დახმარებით გაიხსნა.
,, საქართველოს მთავრობის კანცელარიასთან ჩვენი ამერიკელი მეგობრების დახმარებით, ვხსნით პანდუსს შეზღუდული შესაძლებლობების მქონე პირებისთვის. პირველ რიგში, მინდა დიდი მადლობა გადავუხადო ჩვენს მეგობრებს, ქალბატონ ნულანდს, ჩვენს ამერიკელ პარტნიორებს ამ დიდი მხარდაჭერისთვის. ეს არის მართლაც მნიშვნელოვანი ნაბიჯი ჩვენი მოქალაქეების საზოგადოებაში სრული ინტეგრაციის მიმართულებით. მე არაერთხელ მითქვამს და მინდა გავიმეორე, რომ ქვეყნის იმიჯი იზომება იმით თუ როგორ ზრუნავ საკუთარ მოქალაქეზე. სახელმწიფოს ვალია იზრუნოს ყველა თავის მოქალაქეზე, ყოველმხრივ ხელი შეუწყოს შეზღუდული შესაძლებლობები მქონე პირების საზოგადოებაში სრულფასოვან ინტეგრაციას", _განაცხადა ღარიბაშვილმა.
