დღეს, 6 დეკემბერს საქართველოს აშშ სახელმწიფო მდივნის თანაშემწე ვიქტორია ნულანდი ეწვევა. ნულანდი საქართველოს კიევიდან ეწვევა, სადაც ეუთო-ს მინისტერიალს ესწრება.
ვიზიტის ფარგლებში, დაგეგმილია შეხვედრა საქართველოს პარლამენტის თავმჯდომარესა და საპარლამენტო უმცირესობის ლიდერთან, ასევე სამოქალაქო საზოგადოების წარმომადგენლებთან.
ერთდღიან ვიზიტს ვიქტორია ნულანდი დღის მეორე ნახევარში, პრესკონფერენციაზე შეაჯამებს.