ამერიკული გამოცემა Forbes -ის ყოველწლიურ რეიტინგში, რომელიც ბიზნესის კეთების სიმარტივის მხრივ ქვეყნების რეიტინგს აქვეყნებს, საქართველო 50-ზე პოზიციაზეა და მნიშვნელოვნად სჯობნის მეზობელ აზერბაიჯანსა და სომხეთს. ბიზნესის კეთების მხრივ საუკეთესო ქვეყნად ირლანდიაა დასახელებული. რეიტინგის „ტოპ-10"-ში ასევე შედიან: ახალი ზელანდია (წინა წლის რეიტინგში ახალი ზელანდია ლიდერი იყო), ჰონკონგი, დანია, შვედეთი, ფინეთი, სინგაპური, კანადა, ნორვეგია, ნიდერლანდები.
აშშ რეიტინგში მე-12 ადგილზეა. პოსტსაბჭოთა სივრციდან ბიზნესის კეტების მხრივ საუკეთესო ვითარება ესტონეთშია, რომელიც რეიტინგში 23-ე ადგილზეა. ლიტვა - 25-ე ადგილზე, ლატვია - 35-ე ადგილზე, ყაზახეთი - 70-ე ადგილზე, სომხეთი - 64-ე ადგილზე, აზერბაიჯანი - 67-ე ადგილზე, მოლდოვა - 88-ე ადგილზე, რუსეთი - 91-ე ადგილზე, ყირგიზეთი 109-ე ადგილზე. ყველაზე ცუდი ბიზნესკლიმატი ამერიკული გამოცემის ინფორმაციით, გვინეაშია.
რეიტინგის შედგენისას Forbes-მა იხელმძღვანელა შემდეგი კრიტერიუმებით: მოქალაქეების პირადი თავისუფლება, საკუთრების დაცვა, ფასების სტაბილურობა, ექსპორტ-იმპორტის სატარიფო ბარიერები, ტექნოლოგიების განვითარების დონე, ჩინოვნიკების გავლენა ბიზნესზე.
