რეგიონული განვითარების Yმინისტრის დავით ნარმანიას განცხადებით, ის არ აპირებს, რომ ,,ნაციონალური მოძრაობის" მისდამი გაგზავნილ კითხვებს უპასუხოს, თუმცა მათ კითხვებს გაეცნო.
,,მათ შეკითხვებს გავეცანი, მაგრამ არ ვაპირებ ვუპასუხო", _განაცხადა ნარმანიამ მთავრობის სხდომის დასრულების შემდეგ.
შეგახსენებთ, რომ გუშინ ,,ნაციონალური მოძრაობა" რეგიონული განვითარებისა და ინფრასტრუქტურის მინისტრს დავით ნარმანიას ადგილობრივი თვითმმართველობის რეფორმასთან დაკავშირებით 9 კითხვით მიმართა. როგორც პარტიის ოფისში გამართულ პრესკონფერენციაზე ,,ნაციონალური მოძრაობის" წევრმა ზურაბ ჯაფარიძემ განმარტა პარლამენტში წარმოდგენილ კანონპროექტში ბევრ კითხვას ბადებს.
"ჩვენ გადავწყვიტეთ კითხვებით მივმართავთ რეგიონული განვითარების მინისტრს დავით ნარმანიას, რადგან მისი უწყება არის ამ კანონპროექტის ავტორი და ამ კითხვებზე პასუხების გაცემის შემთხვევაში დავინახავთ აქვს თუ არა ხელისუფლებას პოლიტიკური ნება, ერთის მხრივ, გაატაროს გააზრებული რეფორმა, ხოლო მეორე მხრივ მომავალ წელს ჩაატაროს დემოკრატიული ადგილობრივი თვითმმართველობის არჩევნები. ეს კითხვებია: 1_ როდის ტარდება ადგილობრივი თვითმმართველობის არჩევნები, 2_ რომელ ქალაქებში ვირჩევთ მერსა და გამგებელს პირდაპირი არჩევის წესით. 3_რამდენი და რომელი ახალი მუნიციპალიტეტები შეიქმნება იგეგმება, 4_ როგორი საარჩევნო სისტემით ტარდება არჩევნები რაიონებსა და ქალაქებში. 5_ როგორი საარჩევნო სისტემით აირჩევა დედაქალაქის საკრებულო, 6_ რა იცვლება თვითმმართველობის დაფინანსების წესში,7_ რამდენად გაზრდის დაგეგმილი რეფორმა სახელმწიფო ხარჯებს, 8_ იგეგმება თუ არა თვითმმართველობის მეორე დონის შექმნა. 9_ რატომ არ გაკეთდა წელს ამომრჩეველთა ბიომეტრული რეგისტრაცია და მოესწრება თუ არა ამის გაკეთება დაგეგმილი თვითმმართველობის არჩევნებამდე?", - განაცხადა ჯაფარიძე