პარლამენტის ვიცე-სპიკერის მანანა კობახიძის განცხადებით, პატრიარქის აზრი საქართველოს თითოეული მოქალაქისთვის მნიშვნელოვანია. როგორც კობახიძემ ილია მეორის განცხადების კომენტირებისას განმარტა ის ეცდება, რომ გაერკვეს თუ რა საფრთხეს ხედავს ადგილობრივ თვითმმართველობის კოდექსთან დაკავშირებით უწმინდესი.
,,თვითმმართველობის კოდექსი განხილვის საგანია და ჯერ პარლამენტს კენჭი არ უყრია. ყველანაირი პოზიცია გათვალისწინებული უნდა იყოს, რომ გადაწყვეტილება ფართო კონსენსუსის საგანი გახდეს. პატრიარქმა თავისი პოზიცია გამოხატა ამ საკითხთან დაკავშირებით და ვფიქრობ, რომ მისი აზრი საქართველოს თითოეული მოქალაქისთვის მნიშვნელოვანია. ვეცდები, უფრო ღრმად გავერკვე, პატრიარქი ამ კანონთან დაკავშირებით რა საფრთხეებს ხედავს", - განაცხადა კობახიძემ.
შეგახსენებთ, რომ სრულიად საქართველოს კათოლიკოს პატრიარქის უწმინდესისა და უნეტარესის განმარტებით, თუ ხელისუფლება თვითმმართველობის ახალ კანონს მიიღებს ამით საქართველოს დაშლისკენ უბიძგებს.
