.,,ჩვენ მხარს ვუჭერთ რუსეთ-საქართველოს ურთიერთობის განვითარებას", _ამის შესახებ რუსეთის საგარეო საქმეთა მინისტრმა სერგეი ლავროვმა
ბრიუსელში ნატოს საგარეო საქმეთა მინისტერიალზე განაცხადა.
,,რუსეთ-საქართველოს ურთიერთობებს რაც შეეხება ჩვენ მხარს ვუჭერთ მის განვითარებას. მოვისმინეთ და შევაფასეთ საქართველოს ახალი მთავრობის მიდგომები და, ვფიქრობთ, რომ ეკონომიკური, კულტურული და სავაჭრო ურთიერთობები კვლავ გრძელდება და ეს დაგვეხმარება უკეთ გაუგოთ ერთმანეთს. მითუმეტეს, მრავალწლიანი თანაცხოვრების კარგი საფუძველი გაგვაჩნია", _განაცხადა ლავროვმა, რომელმაც აფხაზეთი და სამხრეთ ოსეთი დამოუკიდებელ სახელმწიფოებად მოიხსენია.
,,აფხაზეთსა და სამხრეთ ოსეთს რაც შეეხება ორივე სუვერენული სახელმწიფოა. ჩვენ ვაღიარეთ ისინი და გავაფორმეთ ხელშეკრულებები მეგობრობისა და დახმარების შესახებ. ჩვენ უზრუნველყოფთ მათ უსაფრთხოებას, გვაქვს სამხედრო ბაზა. ეს არის ახალი რეალობა, რომელიც აღიარებას საჭიროებს", _განაცხადა ლავრომა.
