ნატოს სპეციალური წარმომადგენელი კავკასიასა და ცენტრალურ აზიაში ჯეიმს აპატურაი ბრიუსელში დაგეგმილ ნატო-ს საგარეო საქმეთა მინისტერიალს ეხმიანება. როგორც ჟურნალისტებთან აპატურაიმ განმარტა მინისტერიალზე ერთ-ერთი განსახილველი საკითხი რეფორმების სფეროში ნატო-საქართველოს თანამშრომლობა იქნება.
აპატურაიმ იმედი გამოთქვა, რომ მინისტერიალის ფარგლებში საქართველოს საგარეო საქმეთა მინისტრი მაია ფანჯიკიძე რეგიონში არსებულ ვითარებაზე ისაუბრებს.
,,გვინდა ვისაუბროთ რეფორმებთან დაკავშირებით თანამშრომლობაზე. ჩვენ საქართველოში გვაქვს ოფისში, რომელიც იზრდება, რათა რაც შეგვიძლია მეტად დავეხმაროთ საქართველოს პრიორიტეტულ რეფორმებში, თავადცავის სამინისტროს გამჭვირვალობის, სამოქალაქო საზოგადოების ფორმირების კუთხით. დარწმუნებული ვარ, საგარეო საქმეთა მინისტრი ისაუბრებს რეგიონში განვითარებულ მოვლენებზე", _განაცხადა აპატურაიმ.
