საქართველოში აშშ-ის ელჩის რიჩარდ ნორლანდის განაცხადებით, აშშ უკრაინაში მიმდინარე პროცესებს ყურადღებით აკვირდება. როგორც ჟურნალისტებთან საკითხის კომენტირებისას ნორლანდმა განმარტა, აუცილებელია მხარეებმა დაიწყონ დიალოგი და პროცესები მშვიდობიანად დასრულდეს.
,,ჩვენ ისევე როგორც ყველა ვაკვირდებით კიევში განვითარებულ მოვლენებს. შევუერთდები უკრაინაში აშშ-ის ელჩის განცხადებას, რომ თავიდანვე უნდა იქნეს აცილებული ყოველგვარი ძალადობა. მხარეებმა უნდა დაიწყონ დიალოგი და პროცესები მშვიდობიანად დასრულდეს. განსაკუთრებული ყურადღებით ვაკვირდებით საქართველოსაც. საქართველოს შემთხვევაში ხალხის ნება მთავრობამაც გაიზიარა და ხელი მოაწერა ამ შეთანხმებას. ვფიქრობ, რომ ამ გზით წინსვლა გაგრძელდება", _განაცხადა ნორლანდმა.
