უკრაინელი ხალხის მხარდასაჭერად პოლონეთის ყოფილი პრეზიდენტის ლეხ კაჩინსკის ძმა იაროსლავ კაჩინსკი ჩავიდა. როგორც ,,რუსთავი-2"-თან საუბარში კაჩინსკიმ განაცხადა ის მხარდაჭერას უცხადებს უკრაინის მოსახლეობას და ყველაფერს გააკეთებს იმისთვის, რომ უკრაინა ევროპის ნაწილი გახდეს.
,,აქ უკრაინელი ხალხის მხარდასაჭერად და დემოკრატიული ღირებულებების დასაცავად ჩამოვედი. ჩვენ გვინდა, რომ ეს ქვეყანა ევროკავშირის წევრი გახდეს", _განაცხადა იაროსლავ კაჩინსკიმ.
ამ დროისთვის, ათიათასობით უკრაინელი თავისუფლების მოედნისკენ მსვლელობით მიემართება, სადაც პოლიციაა მობილიზებული.