"ერთიანი ნაციონალური მოძრაობის" გენერალურმა მდივანმა, ვანო მერაბიშვილმა პარტიის სხვადასხვა მიმართულებებზე პასუხისმგებელი მდივნების თანამდებობებზე საკუთარი კანდიდატურები წარმოადგინა. როგორც ირკვევა, უახლოეს მომავალში გაიმართება შიდა პარტიული არჩევნები, რომლის შედეგადაც ჩამოყალიბდება პარტიის ახალი მმართველი შემადგენლობა.
ირკვევა, რომ "ერთიანი ნაციონალური მოძრაობის" აღმასრულებელი მდივნის პოსტზე ვანო მერაბიშვილი მხარს მიხეილ მაჭავარიანისა და აკაკი ბობოხიძეს უჭერს. ხოლო რეგიონალური მდივნის თანამდებობაზე დავით კირკიტაძეს და ნუგზარ წიკლაურს. უკვე ცნობილი, რომ პარტიის ადმინისტრაციული მდივნის პოსტზე ხათუნა გოგორიშვილის კანდიდატურა იქნება დასახელებული, ხოლო მედია მდივნის თანამდებობაზე კი ირმა ნადირაშვილის.
ასევე, პარტიის პოლიტიკური მდივნის თანამდებობაზე ზურაბ ჯაფარიძის კანდიდატურა იქნება განხილული, ხოლო საგარეო ურთიერთობათა მდივნის თანამდებობაზე კი გიგა ბოკერიას კანდიდატურა. პარტიის საორგანიზაციო მდივანი კი შესაძლოა გიორგი ვაშაძე გახდეს.
სამოქალაქო საზოგადოებასთან ურთიერთობის მდივნის თანამდებობაზე კი ვანო მერაბიშვილი ნინო კალანდაძისა და ზურაბ ჭიაბერაშვილის კანდიდატურებს განიხილავს.