2-3 დეკემბერს, თბილისში, სასტუმრო „ქორთიარდ მარიოტში" დემოკრატიისა და ეკონომიკური განვითარების ორგანიზაციის, სუამ-ის საპარლამენტო ასამბლეის მე-6 სხდომა გაიმართება. სხდომის მუშაობაში მონაწილეობას მიიღებენ საქართველოს, უკრაინის, აზერბაიჯანის, მოლდოვის, პოლონეთის, ლატვიის და ესტონეთის დელეგაციები.
სხდომის დღის წესრიგით გათვალისწინებულია მოხსენებები: სუამ-ის გეოპოლიტიკური გარემო და მისი გავლენა სუამ-ის ფორმატში თანამშრომლობაზე; პოლიტიკური ურთიერთობები და ევროპული და ევრო-ატლანტიკური ინტეგრაცია; დარგობრივი თანამშრომლობის პერსპექტივები, გლობალური გამოწვევები და ერთობლივი ნაბიჯები.
ასამბლეის სხდომას გახსნის სუამ-ის საპარლამენტო ასამბლეის თავმჯდომარე ზურაბ აბაშიძე. ასამბლეის მუშაობაში მონაწილეობას მიიღებს საქართველოს პარლამენტის თავმჯდომარე დავით უსუფაშვილი. სხდომის დასასრულს მიიღებენ შემაჯამებელ დოკუმენტს. ასამბლეის ფარგლებში გაიმართება ორმხრივი და მრავალმხრივი შეხვედრები.