ჰამბურგის ციხის საავადმყოფოში ქართველმა არასრულწლოვანმა თავი მოიკლა. ამის შესახებ ინფორმაციას გერმანული პრესა ავრცელებს. გერმანელი ჟურნალისტების ინფორმაციით, 17 წლის ქართველი ახალგაზრდა, რომელსაც ლტოლვილის სტატუსი ჰქონდა, გერმანიაში არალეგალურად პოლონეთიდან გადავიხდა, რის გამოც ციხეში მოხვდა. პრესაში გარდაცვლილის გვარი არ სახელდება, პრესაში მას სახელით (დავითი) მოიხსენიებენ.
ჟურნალისტების ინფორმაციით, დავითი ციხეში გარკვეული პერიოდის განმავლობაში შიმშილობდა, რის გამოც მოგვიანებით იგი ციხის საავადმყოფოში გადაიყვანეს.
გერმანელი ჟურნალისტები მოზარდის სიკვდილზე გარკვეულწილად პასუხისმგებლობას სამართალდამცავებს აკისრებენ, რადგან ზედამხედველებმა პატიმრის პალატაში ორი სათვალთვალო კამერის მიუხედავად თვითმკვლელობის ფაქტი ვერ შენიშნეს.
