მიხეილ სააკაშვილი არის თავისუფალი ქვეყნის და თავისუფალი სამყაროს თავისუფალი მოქალაქე მიხეილ სააკაშვილის წინააღმდეგ ოფიციალურად წაყენებული ბრალდებები არ არსებობს, - ამის შესახებ საქართველოს პრეზიდენტმა გიორგი მარგველაშვილმა ვილნიუსში, აღმოსავლეთ პარტნიორობის სამიტის ფარგლებში გამართულ პრესკონფერენციაზე განაცხადა "ასოშიეითედ პრესის" ჟურნალისტის კითხვაზე - "არსებული ცნობებით, სააკაშვილი შემდეგ რამდენიმე თვეს საზღვარგარეთ გაატარებს, რადგან შიშობს, რომ ახალი მთავრობა დააპატიმრებს. როგორი იქნება თქვენი კომენტარი?".
"ჩემი ინფორმაციით, მიხეილ სააკაშილის წინააღმდეგ ოფიციალურად წაყენებული ბრალდებები არ არსებობს. შესაბამისად, ის არის თავისუფალი ქვეყნის და თავისუფალი სამყაროს თავისუფალი მოქალაქე. მას შეუძლია იყოს იქ, სადაც სურს. ამ საკითხზე სხვა კომენტარი არ მაქვს", - აღნიშნა გიორგი მარგველაშვილმა.
