რეგიონული განვითარებისა და ინფრასტრუქტურის მინისტრის დავით ნარმანიას განაცხადებით, გუბერნატორების კანდიდატურებზე მსჯელობა მომდევნო კვირიდან დაიწყება. როგორც მთავრობის სხდომის დასრულების შემდეგ ნარმანიამ განაცხადა მინისტრთა კაბინეტის შემადგენლობამ გუბერნატორების დებულება დღევანდელ სხდომაზე უკვე დამტკიცა.
,, დღეს მთავრობის სხდომაზე გუბერნატორების დებულება დავამტკიცეთ, რომელიც ითვალისწინებს გუბერნატორების კანდიდატურების წარმოდგენის წესს. გარდა ამისა, მოცემულია სტრუქტურული ცვლილებები გუბერნატორების ადმინისტრაციებში, რომლის მიხედვით, იქნება ადმინისტრაციული სამსახური, იქნება რეგიონული პროექტებისა და კოორდინაციის სამსახური. ამის გარადა, საგანგებო სიტუაციების მართვის სამსახური დროებით დარჩება გუბერნატორების სტრუქტურის ქვეშ, ის დროთა განმავლობაში შსს უნდა გადაეცეს. ასევე მნიშვნელოვანია, რომ დებულების დამტკიცებიდან სამოცი დღის ვადაში გუბერნატორების ადმინისტრაციის რეორგანიზაცია უნდა მოხდეს და ის ახალი დებულების შესაბამისად უნდა დამტკიცდეს", -განაცხადა ნარმანიამ.