რუსეთის ჩართვა ევროკავშირსა და უკრაინას შორის ასოცირების მოლაპარაკებებში აბსოლუტურად გამორიცხულია. განცხადება ამის შესახებ ვილნიუსში სამიტის დასრულების შემდეგ ევროკომისიის ხელმძღვანელმა ჟოზე მანუელ ბაროზუმ გააკეთა.
„საუბარი მიდის უკრაინისა და ევროკავშირის ორმხრივ შეთანხმებაზე. როგორ შეგვიძლია ამ მოლაპარაკებებში მესამე ქვეყანა ჩავრთოთ? ჩვენ ვერ დავუშვებთ ვეტოს მესამე მონაწილის მხრიდან", _ განაცხადა მან.
ამავე დროს, ბაროზუმ არ გამოირცხა, რომ რუსეთი შესაძლოა ჩაერთოს სხვა და სხვა სფეროების შესახებ მოლაპარაკებებში.
„შეგვიძლია ცალკეულ სფეროებზე ვისაუბროთ, ისეთებზე როგორიც არის ეკონომიკა, ვაჭრობა ან ენერგეტიკა. ევროკავშირი მზადაა ამ მოლაპარაკებებისთვის უკრაინასთან. მაგრამ რუსეთის ჩართვა ასოცირების შესახებ ფორმატის მოლაპარაკებებში - აბსოლუტურად გამორიცხულია", - დასძინა მან.