იუსტიციის მინისიტრი თეა წულუკიანი მართლმსაჯულების ხარვეზების დამდგენი კომისიასთან დაკავშირებით არასამთვრობო ორგანიზაციების მხრიდან გაკეთებულ განცხადებებს არასწორს უწოდებს. როგორც წულუკიანმა მთავრობის სხდომის დასრულების შემდეგ განაცხადა აღნიშნული კომისიის შექმნა არავის გადაუფიქრებია.
,,არასამთავრობო ორგანიზაციების მხრიდან არასწორია განცხადებები იმის შესახებ, რომ მართლმსაჯულების ხარვეზების დამდგენი კომისიის შექმნის იდეა უარყოფილი იქნა. ეს იდეა უარყოფილი არ ყოფილა. როგორ შეიძლება უარყო ის ილუზია რომ არის ბევრი უკანონო განაჩენი და ისინი გადასახედია. მე გუშინ აღვნიშნე, რომ ეს პროცესი დროებით შეჩერებულია, რადგან მოხდეს ფინანსურ-ეკონომიური კუთხით გათვლა, დაიხვეწოდ კიდევ გარკვეული დეტალები იმისთვის, რომ პროექტი, რომელიც იუსტიციის სამინიტროში მომზადა და შემდეგ იუსტიციის საკითხებზე მომუშავე საბჭოს წევრებთან, არასამთავრობო ორგანიზაციებთან კონსულტაციები გავიარეთ და შემდეგ ვენეციის კომისიამ დასკვნა დადო. დღეს ეს პროექტი მზად არის, მაგრამ მთავრობას სჭირდება უფრო მეტი დრო, რათა შედეგებზე მსჯელობა მოხდეს", _განაცხადა წულუკიანმა.
წულუკიანის განმარტებით, აღნიშნულ საკითხზე მინისტრებმა მთავრობის დღევანდელ სხდომაზეც იმსჯელეს. როგორც იუსტიციის მინისტრმა განაცხადა უახლოეს დღეებში მართლმსაჯულების ხარვეზების დამდგენი კომისიის კანონპროექტიდან გამომდინარე გაიმართება ეკონომიკური შედეგების შესახებ მსჯელობა, რის შემდეგ გადაწყდება რა ტაქტიკით იმოქმედებს მთავრობა.
შეგახსენებთ, რომ საიასთვის იუსტიციის მინისტრის თეა წულუკიანის არგუმენტები რის გამოც მართლმსაჯულების ხარვეზების დამდგენი კომისია ამ ეტაპზე აღარ შეიქმნება მიუღებელია.
სიას იურისტის ანა ნაცვლიშვილის განმარტებით, არ შეიძლება ადამიანის უფლებების დაცვის გადავადება.
