გერმანიის ფედერაციული რესპუბლიკის კანცლერი ანგელა მერკელი ირაკლი ღარიბაშვილს პრემიერ-მინისტრად არჩევას ულოცავს. აღნიშნულ მილოცვა პრემიერის "ფეისბუქის" ოფიციალურ გვერდზეა განთავსებული.
"გულითადად გილოცავთ საქართველოს პრემიერ-მინისტრის პოსტზე არჩევას. დარწმუნებული ვარ, რომ თქვენი ამ თანამდებობაზე ყოფნის დროს გერმანიასა და საქართველოს შორის არსებული მჭიდრო და მეგობრული, ორმხრივი ურთიერთობები შემდგომშიც კარგად განვითარდება. გერმანია მომავალშიც იქნება საიმედო პარტნიორი სტაბილურ და მშვიდობიან გარემოში თქვენი ქვეყნის დემოკრატიული და ეკონომიკური განვითარების გზაზე. წარმატებასა და ძალას გისურვებთ თქვენს წინაშე მდგარი საპასუხისმგებლო ამოცანების შესრულებაში", - აღნიშნულია მილოცვაში.