იუსტიციის მინისტრი თეა წულუკიანი ევროკავშირთან ასოცირების ხელშეკრულების პარაფირებას ისტორიულ მოვლენას უწოდებს. როგორც მთავრობის სხდომის დასრულების შემდეგ წულუკიანმა განამარტა ამგვარი წარმატებები საქართველოს დამოუკიდებლობის შემდეგ თითზე ჩამოსათვლელი აქვს.
,,მინდა სრულიად საქართველოს, ჩვენს საზოგადოებას, თითოეულ ჩვენს მოქალაქეს მიულოცო საქართველოს ნათელი მომავლისთვის გადადგმული ნაბიჯი, რომელსაც ასოცირების ხელშეკრულების პარაფირება ჰქვია. ეს არის ისტორიული მოვლენა და მე ვიტყოდი, რომ საქართველოს დამოუკიდებლობის შემდეგ ასეთი დიდი წარმატება და მომავლის იმედი ეროვნული უსაფრთხოების კუთხით, ალბათ, თითზე ჩამოსათვლელი გვქონია. ამიტომ ვულოცავ მთელს საზოგადოებას და თითოეულ საჯარო მოხელეს, ვინც წინა ხელისუფლების, ასევე ამჟამინდელი ხელისუფლების პირობებში ძალისხმევა არ დაიშურა იმისთვის, რომ დღევანდელი დღე დამდგარიყო", _განაცხადა წულუკიანმა.
.