რეინტეგრაციის სამინისტროს სახელწოდება შეეცვალა. როგორც მთავრობის სხდომის დასრულების შემდეგ სახელმწიფო მინისტრმა რეინტეგრაციის საკითხებში პაატა ზაქარეიშვილმა განამარტა პირველი იანვრიდან მის უწყებას სახელმწიფო მინისტრი შერიგებისა და სამოქალაქო თანასწორობის საკითხებში ერქმევა.
,,პირველი იანვრიდან ჩემს სამინისტროს დაერქმევა სახელმწიფო მინისტრი შერიგებისა და სამოქალაქო თანასწორობის საკითხებში. სამინისტროში ორი მიმართულება გვქონდა, ერთია კონფლიქტები, მეორეა ინტეგრაცია. ახალი სახელწოდებიდან შერიგება შეეხება კონფლიქტების მოგვარებას, ხოლო სამოქალაქო თანასწორობა შეეხება ჩვენს მოქალაქეებს რომელთაც აქვთ პრობლემები ინტეგრაციაზე', _განაცხადა ზაქარეიშვილმა.
