ამერიკელი ექსპერტი საქართველოს საკითხებში, კოლუმბიის უნივერსიტეტის პროფესორი, ლინკოლნ მიჩელი ,,ამერიკის ხმისთვის" მიცემულ ინტერვიუში აცხადებს, რომ საქართველო ევროკავშირის ასოცირების ხელშეკრულების გაფორმებით მსოფლიოს რუკაზე ავტომატურად ევროპის ნაწილი ხდება.
ლინკოლნ მიჩელი არ გამორიცხავს, რომ ვილნიუსის სამიტის შემდეგ რუსეთმა საქართველოსთან მიმართებით ზეწოლა უფრო გააძლიეროს.
,,ამერიკის ხმის" ჟურნალისტის კითხვაზე ,,ევროკავშირთან ასოცირების ხელშეკრულების პარაფირება ნიშნავს თუ არა სხვა ევროპულ ორგანიზაციებში გაწევრიანების პერსპექტივასაც?" ლინკოლნი პასუხობს:
,,ხელშეკრულების გაფორმება ევროკავშირთან, ეს არის მსოფლიო რუკაზე იმის დემონსტრირება, რომ საქართველო ავტომატურად არის ევროპის ნაწილი. საბოლოო წევრობა დიდ დროს წაიღებს. ასოცირების ხელშეკრულების შემდეგ ნატოში საქართველოს საკითხზე უფრო სერიოზულად დაფიქრდებიან. ეს ფაქტორები ერთმანეთის სასარგებლოდ მუშაობენ.ამერიკელი ექსპერტები თვლიან რომ უკრაინის მხრიდან გადაწყვეტილების შეცვლა საქართველო- უკრაინას შორის ურთიერთობებს არ შეცვლის", _აცხადებს ლინკოლნ მიჩელი.
