ვილნიუსის სამიტის მიმდინარეობას დეპუტატები პირდაპირ ეთერში თვალს მიადევნებენ. პარლამენტის წევრების განმარტებით, ევროკავშირთან ასოცირების ხელშეკრულების პარაფირება უმნიშვნელოვანესი მოვლენა და დიდი წარმატებაა.
,,დღეს ჩვენი ქვეყნისთვის ისტორიული თარიღია, რადგან ჩვენი დროით ზუსტად 12:00 საათზე ევროკავშირთან ასოცირების ხელშეკრულების პარაფირება ხდება, რაც პრინციპულად მნიშვნელოვანია დოკუმენტია", _აცხადებს საპარლამენტო უმრავლესობის წევრი ანა მიროტაძე.
შეგახსენებთ, რომ დღეს, 29 ნოემბერს, „აღმოსავლეთ პარტნიორობის" სამიტზე, ასოცირების შესახებ შეთანხმების პარაფირების ოფიციალურ ცერემონია გაიმართება.
პარაფირების ოფიციალურ ცერემონიაზე, შეთანხმების პარაფირებას მოახდენენ საქართველოს მხრიდან საგარეო საქმეთა მინისტრი მაია ფანჯიკიძე და ეკონომიკისა და მდგრადი განვითარების მინისტრი გიორგი კვირიკაშვილი, ხოლო ევროკავშირის მხრიდან - უმაღლესი წარმომადგენელი საგარეო და უსაფრთხოების პოლიტიკის საკითხებში ქეთრინ ეშტონი და ევროკომისარი ვაჭრობის საკითხებში კარლ დე გუხტი.
