ექსპერტი ხათუნა ლაგაზიძე ქართულ ეკლესიას სიფრთხილისკენ მოუწოდებს. როგორც "პრაიმტაიმის" პრესკლუბში ლაგაზიძემ ჟურნალისტებს განუცხადა, ეკლესია ფრთხილად უნდა იყოს, რათა მისი ცალკეული წევრების გამოყენება რუსეთის ინტერესების სასარგებლოდ არ მოხდეს.
"საქართველოს ეკლესიას მნიშვნელოვანი როლი აკისრია ქვეყნის არჩევანის გადაწყვეტაში. ის ძალიან ფრთხილად უნდა იყოს, რათა მისი ცალკეული წევრების გამოყენება რუსეთის ინტერესების სასარგებლოდ არ მოხდეს. ეკლესიის წარმომადგენლებმა შეიძლება თქვან, რომ პოლიტიკაში არ ერევიან და ოფიციალური პოზიცია ვერ დააფიქსირონ, მაგრამ არც რუსეთთან ინტეგრაციის წახალისება უნდა მოახდინონ", - აცხადებს ლაგაზიძე.