დღეს, 29 ნოემბერს ვილნიუსის სამიტის ფარგლებში, იგეგმება „ევროკავშირის სამოქალაქო მისიებსა და სამხედრო ოპერაციებში საქართველოს ჩართვის თაობაზე" ჩარჩო შეთანხმების ხელმოწერა.
საგარეო საქმეთა სამინისტროს ინფორმაციით, შეთანხმება საშუალებას მისცემს საქართველოს ჩაერთოს ევროკავშირის ეგიდით მიმდინარე კრიზისული სიტუაციების მართვის ოპერაციებში და ამ გზით, ევროკავშირთან ერთად თავისი წვლილი შეიტანოს მსოფლიოში უსაფრთხოების ხელშეწყობის პროცესში.
შეთანხმებას საქართველოს მხრიდან ხელს მოაწერს საქართველოს საგარეო საქმეთა მინისტრი, მაია ფანჯიკიძე, ხოლო ევროკავშირის მხრიდან, საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი, ქეთრინ ეშტონი.