პოლონეთის პრეზიდენტი ბრონისლავ კომოროვსკი მხარს უჭერს უკრაინის მიერ ასოცირების შეთახმებაზე ხელისმოწერას, იულია ტიმოშჩენკო გათავისუფლების გარეშე. ამავე დროს, მან განაცხადა ისიც, რომ ის უკრაინის პრეზიდენტის მხრიდან თავს მოტყუებულად არ გრძნობს. ეს განცხადებები პოლონეთის პრეზიდენტმა პოლონურ რადიოსადგურ „RMF FM"-თან საუბარში გააკეთა.
„მხარს ვუჭერ ტიმოშჩენკოს აზროვნებას, რომელიც ამბობს: ჯერ ხელი მოაწერეთ ასოცირების შეთანხმებას, მოგვიანებით კი ეს ეფექტს მოიტანს, კერძოდ პრობლემების გადასაწყვეტად", _ განაცხადა მან.
ამავე დროს პოლონეთის პრეზიდენტმა განაცხადა, რომ ის უკრაინის პრეზიდენტის ვიქტორ იანუკოვიჩის მხრიდან თავს მოტყუებულად არ გრძნობს.
„პრეზიდენტ იანუკოვიჩს რამდენიმე წელია ვიცნობ, იმ დროიდან, როდესაც ის ოპოზიციაში იყო და ვიცი ერთი რამ - ის ყოველთვის იხელმძღვანელებს თავისი, თავისი პოლიტიკური ძალის და თავისი სახელმწიფოს ინტერესებით, ამიტომაც აქ ისეთი რაღაცისთვის რაც არის ტყუილი ადგილი არ არის", _ აცხადებს კომოროვსკი.