ევროკავშირის ქვეყნების საპარლამენტო დელეგაციებს მომავალ წელს საქართველო უმასპინძლებს. როგორც ვილნიუსში კოალიცია ,,ქართული ოცნების" დეპუტატმა თინა ხიდაშელმა განაცხადა, ფორუმი თბილისში 2014 წლის აგვისტოში გაიმართება.
"ვფიქრობ, განსაკუთრებით მნიშვნელოვანია, რომ ევროკავშირთან ასოცირების ხელშეკრულების ხელმოწერამდე ევროპის ქვეყნების და აღმოსავლეთ პარტნიორობის ქვეყნების პარლამენტის წევრები შეიკრიბებიან საქართველოში და საქართველოდან კიდევ ერთხელ დადასტურდება ქართული სახელმწიფოს და ქართველი ხალხის ურყევი ნება - ჩვენ სისტემურად და მყარად მივდივართ ევროპული ოჯახისკენ", _განაცხადა ხიდაშელმა.