შვედეთის საგარეო საქმეთა მინისტრი კარალ ბილტი ვილნიუსის სამიტის დეკლარაციის პროექტიდან 49-ე მუხლის ამოღებას ადასტურებს. როგორც ჟურნალისტებთან ბილდტმა განაცხადა აღნიშნული ფაქტი არ ნიშნავს იმას, რომ ევროკავშირის კარი იხურება.
,,49-ე პუნქტი რეზოლუციაში არ შევა, მაგრამ ჩვენ მიდგომებს არ ვცვლით. ამიტომ ეს ფაქტი არაფერს შეცვლის. გარკვეული ქვეყნები ამბობენ, რომ წევრობაზე საუბარი ჯერ ნაადრევია, რადგან გასავლელი გრძელი გზა არის. ჩვენ ეს არგუმენტი გავითვალისწინეთ. აქვე ვამბობთ, რომ 49-ე პუნქტი მოქმედებს და ევროკავშირის კარს ღიად ვტოვებთ", _განაცხადა ბილდტმა.
შეგახსენებთ, რომ 26 ნოემბერს რადიო ,,თვაისუფლების" მიერ გავრცელებული ინფორმაციით, ვილნიუსის სამიტის დეკლარაციის პროექტიდან 49-ე მუხლის ამოიღეს, რომელიც ევროკავშირისთვის წევრობის თხოვნით მიმართვას გულისხმობს.
,,თავისუფლების" ინფორმაციით, დეკლარაციის უწინდელ პროექტებში ნათქვამი იყო, რომ აღმოსავლელ პარტნიორ ქვეყნებს შეეძლოთ გაეგრძელებინათ „ევროპისკენ სწრაფვა, ევროკავშირის ხელშეკრულების 49-ე მუხლის შესაბამისად", მაგრამ პროექტის ბოლო ვარიანტში, რომელსაც რადიო ,,თავისუფლების" კორესპონდენტი გაეცნო, ეს მუხლი საერთოდ არ არის ნახსენები. ამის ნაცვლად, ახალ ვარიანტში ვკითხულობთ, რომ „ვილნიუსის სამიტის მონაწილეები კიდევ ერთხელ ადასტურებენ, რომ აღიარებენ ზოგიერთი პარტნიორის ევროპულ მისწრაფებებს და ევროპულ არჩევანს, ისევე როგორც მათ მტკიცე პოზიციას, ააშენონ ღრმა და მდგრადი დემოკრატია".როგორც რადიო ,,თავისუფლების" მიერ გავრცელებულ მასალაშია აღნიშნული 49-ე მუხლი როგორც იურიდიული, ისე სიმბოლური თვალსაზრისით მნიშვნელოვანია, რადგან აცხადებს, რომ ნებისმიერ ევროპულ ქვეყანას, რომელიც ევროკავშირის ფუნდამენტურ ღირებულებებს პატივს სცემს, შეუძლია ევროკავშირში გაწევრიანებაზე განაცხადის გაკეთება.