ა/ო ადამიანი, კანონი, თავისუფლებამ სახელმწიფო უწყებებიდან გამოთხოვილი ინფორმაციის ანალიზისას დაადგინა, რომ საკვლევ პერიოდში (2008-2013) ყველაზე დიდი ოდენობით, 11 147 927,80 ლარის ღირებულების საქონელი და მომსახურება იუსტიციის სამინისტროს გადაეცა. მათ შორის, 315 000 ლარის 2009 წელს, 4 937 345,90 ლარის 2011 წელს, ხოლო 5 895 581,90 ლარის 2012 წელს.
ორგანიზაცის ინფორმაცით, აღნიშნულ წლებში სამინისტროს საჩუქრად გადაეცა 7 860 051,10 ლარის სამშენებლო სამუშაოები, 2 520 000 ლარის სამშენებლო მასალები, 385 000 ლარის შენობის პროექტირება, 36 624 ლარის ძირითადი საშუალებები და 346 252,7- ლარის საკანცელარიო ნივთები.
2009 წლის თებერვლის თვეში იუსტიციის სამინისტრომ ჩუქების წესით მიიღო შენობის პროექტი ორი კომპანიისგან - შპს-ების "აკდამათი" და "არქიტექტურული ჯგუფი და პარტნიორები"-სგან, რომელთა საერთო ღირებულებამ 315 000 ლარი შეადგინა.
2011 წელს ამავე უწყებამ 4 937 345,90 ლარის საქონელი და მომსახურება მიიღო საჩუქრად. მათ შორის, 2 520 000 ლარის სამშენებლო მასალები, 2 034 469,20 ლარის სამშენებლო სამუშაოები, 36 624 ლარის ძირითადი საშუალებები და 346 252,70 ლარის საკანცელარიო საქონელი.
მნიშვნელოვანია აღინიშნოს, რომ ყველაზე მეტი ღირებულების ქონება სამინისტრომ მიიღო შპს ვესტ ინვესტისგან, რომელიც ღირებულება 2 მლნ ლარს შეადგენდა. ჩუქება 2011 წლის 11 ივნისს განხორციელდა.
ამავე წელს, 523 421,80 ლარის სამშენებლო სამუშაოები უსასყიდლოდ გაუწია სს. „ინჟმშენმა". 520 000 ლარის სამშენებლო მასალების მიწოდება განახორციელა შპს „მგუ"-მ. სამინისტროს სამჯერ გაუწია მომსახურება შპს „თემა"-მ -ჯამში 400 123 ლარის ოდენობით, საიდანაც 4 აგვისტოს 271 067 ლარის ღირებულების სამშენებლო სამუშაოები, 2 სექტემბერს ასევე სამშენებლო სამუშაოები 92 432 ლარის ღირებულების, ხოლო 10 სექტემბერს მიაწოდა 36 624 ლარის ძირითადი საშუალებები.
იუსტიციის სამინისტროს მჩუქებელთა შორის ინდმეწარმეც აღმოაჩნდა. კერძოდ, ი.მ. „გიორგი კანდელაკი-ვესტა" -ს მიერ 2011 წლის 5 აპრილს უწყებას 346 525,70 ლარის საკანცელარიო საქონელი გადაეცა.
2012 წელს სამინისტროს „მჩუქებელთა" რაოდენობა 7-დან 10-მდე გაიზარდა, ხოლო „შემოწირული" თანხის მოცულობამ 5 895 581,90 ლარი შეადგინა. „დონორ"კომპანიათა სიაში გვხვდება შპს "არქიტექტურული ჯგუფი და პარტნიორები", რომელმაც უწყებას 2009 წელს 150 000 ლარის ღირებულების შენობის პროექტირების სამუშაოები უსასყიდლოდ გადასცა, ხოლო 2012 წელს იგივე სამუშაო გაუწია, თუმცა, ამჯერად მომსახურების ღირებულება 70 000 ლარს შეადგენდა.
ყველაზე ძვირადღირებული ჩუქება განახორციელა შპს"ზიმო"-მ. კერძოდ, 2012 წლის 11 იანვარს 2 479 206,90 ლარის სამშენებლო სამუშაოების ჩაბარება მოხდა უწყებისთვის. ამავე წელს ანალოგიური სამუშაოების ჩაბარებას ახდენს შპს „ენსისი" ღირებულებებით 1 504 270,10 ლარი 18 იანვარს. 24 იანვარს, იგივე დანიშნულებით შპს „ალგეთი" 585 515,60 ლარის, 4 იანვარს შპს „ნავიგატორი" - 2 000 ლარის და 9 იანვარს შპს „თბილი სახლი" - 298 643,20 ლარის სამშენებლო სამუშაოები გადაეცა.
მთლიანობაში, სამინისტრომ 2012 წელს უსასყიდლოდ სულ 5 895 581,90 ლარის სამუშაო მიიღო. აქედან - იანვარის თვეში საერთო ღირებულების თითქმის 83% - 4 869 635,80 ლარის სამუშაო.
ჩუქების პროცესი შემდეგ თვეებშიც გაგრძელდა. კერძოდ:
• თებერვალი - 71 008,30 ლარი (შპს ენერჯი)
• მარტი - 188 081,80 ლარი (შპს ელექტრიკალ სერვის ჯგუფი)
• მარტი - 557 891 ლარი (შპს "ნიუ კონსტრაქშენ")
• აგვისტო - 138 965 ლარი (სს ხიდმშენი)
საინტერესოა, რის საფუძველზე იჩენდნენ ზემოაღნიშნული კომპანიები ასეთ გულუხვობას ერთი კონკრეტული სამინისტროს მიმართ, მაშინ, როცა ჩვენს მიერ მოპოვებული ინფორმაციის თანახმად არცერთი მათგანი 2008 - 2013 წლებში სხვა სახელმწიფო უწყებებს არ წყალობდა. აგრეთვე საინტერესოა, რის საფუძველზე აჩუქა ი.მ. გიორგი კანდელაკმა უწყებას 346 ათასი ლარის საკანცელარიო საქონელი, და ზოგადად, რატომ არსებობდა წლიდან წლამდე „მჩუქებელთა" ზრდის ტენდენცია?!
აღსანიშნავია, რომ იუსტიციის სამინისტროს 2012 წლის სექტემბრის თვიდან ჩუქების წესით არანაირი უძრავ-მოძრავი ქონება არ მიუღია.
ადამიანი, კანონი, თავისუფლება აგრძელებს სახელმწიფო უწყებებიდან მიღებული ინფრომაციის დამუშავებას და საზოგადოებას პერიოდულად მიაწვდის ყველა საინტერესო ფაქტს აღნიშნულ საკითხთან დაკავშირებით.
მასალის გამოყენების პირობები