საგარეო საქმეთა მინისტრის მაია ფანჯიკიძის განმარტებით ვილნიუსის სამიტს საქართველო-ევროკავშირის თანამშრომლობის განვითარებისთვის ისტორიული დატვირთვა აქვს. როგორც ჟურნალისტებთან ფანჯიკიძემ განმარტა სამიტზე საქართველო ევროკავშირთან ასოცირების ხელშეკრულების პარაფირებას მოხდენს.
მისივე განმარტებით, ევროკავშირთან ასოცირების ხელშეკრულების პარაფირება საქართველოს ევროკავშირში გაწევრიანებას არ ნიშნავს, თუმცა ქვეყანა ევროკავშირს მნიშვნელოვნად უახლოვდება.
ვილნიუსის სამიტს საქართველო-ევროკავშირის თანამშრომლობის შემდგომი განვითარებისთვის ისტორიული დატვირთვა აქვს
,, ვილნიუსის სამიტს საქართველო-ევროკავშირის თანამშრომლობის შემდგომი განვითარებისათვის ისტორიული დატვირთვა გააჩნია. სამიტზე საქართველო და ევროკავშირი მოახდენენ „ასოცირების შესახებ შეთანხმების პარაფირებას." ასოცირების შესახებ შეთანხმებაზე სამწლიანი მოლაპარაკებები დასრულდა 2013 წლის ივლისში. საქართველო-ევროკავშირის ასოცირების შესახებ შეთანხმება ითვალისწინებს პოლიტიკურ ასოცირებასა და ეტაპობრივ ეკონომიკურ ინტეგრაციას და შეუქცევადს ხდის ქვეყნის ევროპეიზაციის პროცესს. შეთანხმების ტექნიკურ პარაფირებას 28 ნოემბერს მოახდენენ საქართველოს მხრიდან: მოლაპარაკებებზე საქართველოს დელეგაციის ხელმძღვანელი, საქართველოს საგარეო საქმეთა მინისტრის პირველი მოადგილე, დავით ზალკალიანი და ღრმა და ყოვლისმომცველ ვაჭრობის სივრცეზე მთავარი მომლაპარაკებელი, ეკონომიკისა და მდგრადი განვითარების მინისტრის მოადგილე, მიხეილ ჯანელიძე; ხოლო, ევროკავშირის მხრიდან, მოლაპარაკებებზე ევროკავშირის დელეგაციის ხელმძღვანელი, საგარეო ქმედებათა ევროპული სამსახურის, რუსეთის, „აღმოსავლეთ პარტნიორობის", ცენტრალური აზიის, რეგიონული თანამშრომლობისა და ეუთო-ს დირექტორატის ხელმძღვანელი, გუნარ ვიგანდი და ევროკავშირის მხრიდან მთავარი მომლაპარაკებელი, ევროკომისიის ვაჭრობის საკითხებში გენერალური დირექტორატის ევროპული სამეზობლო პოლიტიკის სამსახურის უფროსის მოადგილე ფილიპ კუისონი", _განაცხადა ფანჯიკიძემ.
მისივე განცხადებით, 29 ნოემბერს, „აღმოსავლეთ პარტნიორობის" სამიტზე, ასოცირების შესახებ შეთანხმების პარაფირების ოფიციალურ ცერემონიალზე, შეთანხმების პარაფირებას თავად მოახდენს.