რეინტეგრაციის საკითხებში სახელმწიფო მინისტრის პაატა ზაქარეიშვილის განცხადებით, ვილნიუსის სამიტამდე რუსეთის მხრიდან პროვოკაცია მოსალოდნელია, თუმცა საქართველომ ზეწოლას უნდა გაუძლოს.
,, რუსეთისგან ნებისმიერი მოლოდინი, იმედი რომ რაღაც შეიძლება გამოსწორდეს არასწორია. ამიტომ ჩვენი მთავრობა მკაფიოდ, ცალსახად მივდივართ დასავლეთის ვექტორისკენ", _განაცხადა ზაქარეიშვილმა.
მისივე განმარტებით, რუსეთი ყველაფერს აკეთებს იმისთვის რომ საქართველოს ევროინტეგრაციას ხელი შეუშალოს.
,,ბუნებრივია მოსალოდნელია გარკვეული ზემოქმედება. ჩვენ ამდენ ხანს გავუძელით წნეხს, მაისიდან მოყოლებული წნეხს ვუძლებთ და გავუძლებთ ბოლომდე. სამწუხაროდ, ოკუპაცია გრძელდება და ხდება გამყოფი ხაზის გასწვრივ მავთულხლართების გავლება და დაფიქსირება რუსული ოკუპაციის ადგილზე ყოფნის. რუსეთის ყველანაირად ცდილობს ხელი შეუშალოს საქართველოს, გამოიწვიოს პროვოკაციაზე, რათა ევროპას შეექმნას შთაბეჭდილება, რომ ჩვენ არ ვართ ის სახელმწიფო სადაც შემდეგი ნაბიჯი შეიძლება გადაიდგას ევროპაში ინტეგრაციოაზე", _განაცხადა ზაქარეიშვილმა.
