თბილისის მერი გიგი უგულავა საქართველოს ახალ მთავრობასთან თანამშრომლობისთვის მზად არის. როგორც ქალაქის მერმა მერიაში გამართულ ბრიფინგზე განაცხადა, თანამშრომლობის მზადყოფნა ცენტრალური მთავრობისგან არ მოდიოდა და თუ ეს შეიცვალა, ის მხოლოდ მიესალმება.
"არის მთელი რიგი კონკრეტული საკითხები, რომლებიც თბილისელებს პრობლემებს მოუხსნის და არა შეუქმნის. ამ საკითხებზე მზად ვარ ვითანამშრომლო ახალ მთავრობასთან, ისევე, როგორც მზად ვიყავი აქამდეც. აქამდე ვერ ვხედავდი მზადყოფნას ცენტრალური მთავრობისგან. თუ ეს დამოკიდებულება თბილისის მიმართ შეიცვლება, მე მხოლოდ მივესალმები. მე ყოველთვის მზად ვიყავი თითოეულ კონკრეტულ საქმესთან დაკავშირებით მეთანამშრომლა წინა მთავრობასთანაც", - განაცხადა გიგი უგულავამ.
მასალის გამოყენების პირობები
