სირიაში მიმდინარე სამოქალაქო ომში დაახლოებით 200 პანკისელი ქისტი მონაწილეობს. ინფორმაციას ამის შესახებ „ლენტა.რუ" ავრცელებს. გავრცელებულ ინფორმაციაში ნათქვამია, რომ განცხადება ამის შესახებ საქართველოში ჩეჩნური სათვისტომოს წევრმა უმარ იდიგოვმა გააკეთა.
ამას გარდა, ნათქვამია ასევე ისიც, რომ ყველა ჩეჩენი რომელიც სირიაში მიემგზავრება ჩრდილოკავკასიურ ტერორისტულ დაჯგუფება „იმარატ კავკაზთან" არის კავშირში. ნათქვამია ასევე ისიც, რომ „იმარატ კავკაზის" მეთაური დოკუ უმაროვი თავდაპირველად ამ გამგზავრების წინააღმდეგი იყო, თუმცა მოგვიანებით თავისი გადაწყვეტილება შეცვალა და აღიარა, რომ ჩრდილოკავკასიაში არ არის საკმარისი რესურსი ბოევიკების მოსამზადებლად და რომ მათ შეუძლიათ მომზადება გაიარონ სირიაში, სპეციალურ ბანაკებში",_ ნათქვამია გავრცელებულ ინფორმაციაში და პანკისის ხეობის ერთ ერთი სოფლის იმამის აიუბ ბორჩაშვილის სიტყვებია მოყვანილი სადაც იგი აცხადებს, რომ ადგილობრივი ჩეჩნები მიიჩნევდნენ, რომ „ჩაგრული სირიელი ხალხის დასაცავად იმოქმედებენ".
შეგახსენებთ, რომ სირიაში დაპირისპირება 2011 წლის გაზაფხულზე დაიწყო.