,,ნაციონალური მოძრაობის" წევრი ხათუნა ოჩიაური მიიჩნევს, რომ მომავალმა პრემიერმა ირაკლი ღარიბაშვილმა საპარლამენტო უმცირესობასთან შეხვედრისას მძიმე შთაბეჭდილება დატოვა. როგორც ,,პრაიმ ტაიმის" პრესკლუბში ოჩიაურმა განაცხადა ღარიბაშვილის ტონი მისთვის მიუღებელი იყო.
„გამომდინარე იქიდან, რომ ღარიბაშვილს პოლიტიკური წარსული არ აქვს, საინტერესო იყო რა პრიორიტეტებით წარსდგებოდა იგი უმცირესობის წინაშე. ღარიბაშვილმა მძიმე შთაბეჭდილება დატოვა. მიუღებელი იყო მისი ტონიც. შეიძლება ეს პოლიტიკურ გამოუცდელობას დავაბრალოთ. ყველა კითხვაზე, რაც ოპონენტების მხრიდან დაისვა პასუხი არაკომპეტენტური იყო,"- განაცხადა ხათუნა ოჩიაურმა.
