ახალი მინისტრთა კაბინეტის თითქმის მთელი შემადგენლობა საკანონმდებლო ორგანოში უკვე მივიდა. მინისტრებს და მათ სამომავლო გეგმებს კომიტეტებში დღეს მოუსმენენ. როგორც ჟურნალისტებთან თავდაცვის მინისტრმა ირაკლი ალასანიამ განაცხადა დეპუტატებთან შეხვედრისას უწყებაში განხორციელებულ პროექტებსა და სამომავლო გეგმებზე ისაუბრებს.
,,დღეს მოგვეცემა შესაძლებლობა, ვისაუბროთ თავდაცვის სამინისტროში, შეიარაღებულ ძალებში ერთი წლის განმავლობაში განხორციელებულ პროგრამებზე, ასევე რას ვაკეთებთ თავდაცვითი სფეროებში გაზრდის კუთხით. ვისაუბრებთ იმაზე რა რეფორმა ჩატარდა ნატოსთან თავსებადობის კუთხით. ალბათ არ ავცდებით საერთაშორისო ოპერაციებს, ავღანეთს", _განაცხადა ალასანიამ.