ახალი სამთავრობო პროგრამის თანახმად ერთ-ერთი მთავარი პრიორიტეტი ძლიერი, ეფექტიანი, დემოკრატიული ინსტიტუტების მშენებლობა იქნება. როგორც ,,ძლიერი, დემოკრატიული ერთიანი საქართველოსთვის" პროგრამაშია განმარტებული მინისტრთა კაბინეტი გაატარებს საკონსტიტუციო რეფორმას, შეცვლის საკანონმდებლო ბაზას, უზრუნველყოფს ორგანოებს დაბალანსებულ მუშაობას, შექმნის რეალურ თვითმმართველობას, ფუნდამენტურ რეფორმებს განახორციელებს მართლმსაჯულების სფეროში, უზრუნველყოფს მრავალპარტიული პოლიტიკური სისტემის არსებობას, ასევე უზრუნველყოფს პოლიტიკური წნეხისგან თავისუფალ საჯარო სამსახურს და განსაზღვრას ქვეყნის უახლოეს, საშუალო და გრძელვადიან განვითარების პოლიტიკას.
ახალი სამთავრობო პროგრამის თანახმად, ახალი პრემიერის პირობებში მინისტრთა კაბინეტი გეგმავს უზრუნველყოს ქვეყნის უსაფრთხოება და რეგიონული პოზიციების გამყარება. როგორც ,,ძლიერი, დემოკრატიული ერთიანი საქართველოსთვის" პროგრამაშია აღნიშნული კვლავ გაგრძელდება ნატოსა და ევროკავშირში გაწევრიანების შეუქცევადი პროცესი. ამავე დროს შეუქცევადი გახდება ქვეყნის გამთლიანების პროცესი რისთვისაც გამოიძებნება აფხაზებთან და ოსებთან დიალოგის გზები.
ამავე დროს ახალი სამოქმედო გეგმის თანახმად, მთავრობის გუნდის ეკონომიკური პროგრამა დაეფუძნება თავისუფალი საბაზრო ეკონომიკის პრინციპებსა და ღირებულებებს, დაძლევს უმუშავრობასა და სიღარიბეს. ამ მიზნით ახალი სამთავრობო გუნდი გეგმავს განავითაროს წვრილი და საშუალო ბიზნესი, სოფლის მეურნეობა.
ამასთან სამთავრობო პროგრამაში აღნიშნულია, რომ მინისტრთა კაბინეტი გეგმავს შეისწავლოს ბოლო წლებში ,,ელიტარული კორუფციის" მასშტაბები, მექანიზმები და დაისახოს მისი აღმოფხვრის გზები.
