მომავალი პრემიერ-მინისტრის ირაკლი ღარიბაშვილის მინისტრთა კაბინეტის სამთავრობო პროგრამის მიხედვით, ეროვნული უსაფრთხოების სტრატეგია და წარმართვის ეროვნული უსაფრთხოების პოლიტიკა შემუშავდება. როგორც სამთავრობო პროგრამაში ,,ძლიერი, დემოკრატიული ერთიანი საქართველოსთვის" არის აღნიშნული მთავრობისთვის პრიორიტეტულია საქართველოს შეიარაღებული ძალების შესაძლებლობების გაუმჯობესება, რათა მზად იყოს ქვეყნის დამოუკიდებლობის, ტერიტორიული მთლიანობისა და სუვერენიტეტის დასაცავად, საერთაშორისო სამშვიდობო ოპერაციებში მონაწილეობის მისაღებად.
ახალი სამთავრობო პროგრამის თანახმად, გაგრძელდება თავდაცვის სამინისტროში მიმდინარე პროცესების გამჭვირვალეობისა და ანგარიშვალდებულების სისტემის გამტკიცება. ამავე დროს კვლავ მთავარ პრიორიტეტად რჩება უწყების დეპოლიტიზირებულ ორგანოდ შენარჩუნება.
სამთავრობო პროგრამის მიხედვით, თავდაცვითი შესაძლებლობების განმტკიცების პარალელურად განსაკუთრებული ყურაღება დაეთმობა ქმედითი რეზერვისა და მობილიზაციის სისტემის ჩამოყალიბებას. როგორც მთავრობის სამოქმედო გეგმაშია აღნიშნული ნატოში გაწევრიანება ქვეყნის საგარეო და უსაფრთთხოების პოლიტიკის მთავარი პრიორიტეტად რჩება.
