დღეს 19 ნოემბერს, პრემიერ-მინისტრობის კანდიდატი ირაკლი ღარიბაშვილი საპარლამენტო უმრავლესობასა და უმცირესობას განახლებულ მინისტრთა კაბინეტს წარუდგენს.
დღესვე მინისტრობის კანდიდატებთან შეხვედრები საპარლამენტო კომიტეტებში გაიმართება. ყველა კომიტეტი საკუთარი პროფილის მინისტრობის კანდიდატს მოუსმენს. შეხვედრები და მათი მოსმენა მთელი დღის განმავლობაში გაგრძელდება. დღის ბოლოს კი ბიუროს სხდომა ჩატარდება, სადაც ბიუროს წევრები დღის განმავლობაში გამართულ შეხვედრებს შეაჯამებენ.
პარლამენტი ირაკლი ღარიბაშვილის მთავრობისათვის ნდობის გამოცხადებას 20 ნოემბრის რიგგარეშე სხდომაზე გეგმავს. მომავალი მინისტრთა კაბინეტში მინისტრები არ შეცვლილან. ერთადერთი ახალი წევრი შს მინისტრის პოსტზე წარდგენილი ალექსანდრე ჭიკაიძეა.