ახლად არჩეულ საქართველოს რიგით მეოთხე პრეზიდენტს გიორგი მარგველაშვილს პირველი სამუშაო დღე აქვს. ამ ეტაპზე პრეზიდენტი მთავრობის კანცელარიის მე-10 სართულზე განთავსდება, სადაც განვლილი ერთი წლის განმავლობაში პრემიერი ივანიშვილი მუშაობდა.
სამუშაო კაბინეტში მარგველაშვილს საკუთარი ნივთები არ მიუტანია, თუმცა მისი ოთახი უკვე აკურთხეს.
სავარაუდოდ, ამავე სართულზე განთავსდება პრეზიდენტის საზოგადოებასთან ურთიერთობის სამსახური.
პრეზიდენტი მარგველაშვილი მთავრობის კანცელარიაში გაზაფხულამდე იმუშავებს, იქამდე სანამ ათონელის ქუჩაზე პრეზიდენტის რეზიდენციაში სარემონტო სამუშაოები არ დასრულდება.