ევროკავშირის თავმჯდომარე ქვეყნის, ლიტვის პრეზიდენტის დალია გრიბაუსკაიტეს განცხადებით, იმ შემთხვევაში, თუ უკრაინა პოლიტიკური ნიშნით დაპატიმრებული იულია ტიმოშენკოს საკითხს დროულად არ მოაგვარებს, ევროკავშირსა და უკრაინას შორის მჭიდრო თანამშრომლობის შესახებ ხელშეკრულების გაფორმება შეუძლებელი გახდება.
გრიბაუსკაიტე მიიჩნევს, რომ უკრაინას ჯერ კიდევ აქვს შანსი გახდეს ევროკავშირის წევრი ქვეყანა, თუმცა ამჯერად უკრაინის მთავრობამ და პრეზიდენტმსა უნდა გადაწყვიტონ მოაწერენ თუ არა ხელს ასოცირების შეთანხმებას.
"ევროპის პოზიცია ნათელია, უკრაინაც მზადაა, ხელმოსაწერად მზადაა შეთანხმებაც, მხოლოდ ერთი პირობით - უნდა შეწყდეს შერჩევითი სამართლის გამოყენება და უნდა მოგვარდეს ტიმოშენკოს საკითხი. თუ ამას უკრაინა ვერ მოახერხებს, შეთანმხების გაფორმება შეუძლებელი გახდება,"- განაცხადა დალია გრიბაუსკაიტემ.
თუმცა ამ წუთებში ვრცელდება განცხადება, რომ უკრაინის პრეზიდენტმა ასოცირების ხელშეკრულების ხელომოწერა გადაიფიქრა.