ლიტვის პრეზიდენტის დალია გრიბაუსკაიტეს განცხადებით, იმისათვის, რომ საქართველოს ევროკავშირთან დაახლოების გზაზე პრობლემები და დაბრკოლებები არ შეექმნას, მაქსიმლაურად უნდა იქნეს თავიდან აცილებული პროცესების იმ ფორმატით განვითარება, როგორც ეს უკრაინაში მოხდა.
გრიბაუსკაიტემ საქართველოს ხელისუფლებას მოუწოდა არ გაიმეორონ უკრაინის მიერ დაშვებული შეცდომა პოლიტიკური ნიშნით ოპოზიციის წარმომადგენლების გასამართლებასთან დაკავშირებით.
"საქართველოს ერთგულება და სტრატეგია ნატო-სკენ და ევროპისკენ არ იცვლება, რაც მახარებს, რადგან ლიტვამ, როგორც ევროკავშირის წევრმა ქვეყანამ, ბევრი რამ გააკეთა საქართველოს მომავლისთვის, ვცდილობდით თქვენი მეგობარი ვყოფილიყავი და დაგხმარებოდით ევროპისკენ მიმავალ გზაზე, ამიტომ მოხარული ვარ, რომ როდესაც ლიტვა ევროკავშირის თავმჯდომარე ქვეყანაა და სამიტი იმართება ვილნიუსში, თქვენს ქვეყანასთან მოხდება ასოცირებისა და სავაჭრო ხელშეკრულების პარარფირება. თუმცა ბევრი რამაა გასაკეთებელი. კერძოდ, სამართლებრივ სფეროში, რომ ის გახდეს უფრო დამოუკიდებელი. ეს არ არის ადვილი საქმე. ევროპა ყურადღებით დააკვირდება მოვლენებს და გრჩევთ, არ გაიმეოროთ უკრაინის მიერ დაშვებული შეცდომა პოლიტიკური ნიშნით ოპოზიციის წარმომადგენლების გასამართლებასთან დაკავშირებით. ხელისუფლების შეცვლის შემდეგ შურუსძიება არ უნდა იყოს გაოყენებული იარაღად წინა მთავრობის მიმართ,"- განაცხადა დალია გრიბაუსკაიტემ.