პრეზიდენტის ადმინისტრაციის ხელმძღვანელის ანდრო ბარნოვის განცხადებით, გიგა ბოკერია ეროვნული უშიშროების საბჭოს მდივნის პოსტიდან ოფიციალურად გათავისუფლებულია.
როგორც ბარნოვმა ჟურნალისტებთან საუბრისას აღნიშნა, საქართველოს პრეზიდენტმა მიხეილ სააკაშვილმა თანამდებობიდან გათავისუფლების თაობაზე გიგა ბოკერიას განცხადებასთან ერთად უკვე დააკმაყოფილა ყველა მხარის გუბერნატორების განცხადებებიც.
ბარნოვმა კომენტარი მიხეილ სააკაშვილის საზღვარგარეთ ყოფნის საკითხზეც გააკეთა. მისი თქმით, პრეზიდენტი მნიშვნელოვან შეხვედრებს მართავს, ამიტომ ჯერჯერობით უცნობია როდის დაბრუნდება იგი საქართველოში.