მე მინდა პარლამენტის ინსტიტუტს და და საზოგადოებას ჩემი გაცხარებისთვის ბოდიში მოვუხადო და ეს არის ჩემი კომენტარი,- ამის შესახებ შინაგან საქმეთა მინისტრის მოადგილემ ლევან იზორიამ პარლამენტის დღევანდელ სხდომაზე მასსა და საპარლამენტო უმცირესობის წევრებს შორის მომხდარი სიტყვიერი შელაპარაკებისას გაკეთებული რეპლიკების საკითხის კომენტირებისას ისაუბრა.
პარლამენტში დღეს გამართული ხმაურიანი სხდომის შემდეგ განცხადება "ნაციონალური მოძრაობის" წევრმა აკაკი ბობოხიძემაც გააკეთა. მისი თქმით, ნებისმიერი პოირი, ვინც ოპონენტს შეურაცხყოფას მიაყენებს, სათანადო პასუხს მიიღებს.
"მინისტრის მოადგილემ ჩათვალა, რომ მას აქვს უფლება, პარლამენტის წევრებს, რადგან ისინი "ნაციონალური მოძრაობის" წევრები არიან, ელაპარაკოს შეურაცხმყოფელი ტერმინებით და შეურაცხმყოფელი ტონით. ამიტომ მე უბრალოდ მას და ნებისმიერ მინისტრს თუ არამინისტრს ვეუბნები, შეურაცხყოფაზე მიიღებენ შეურაცხყოიფას,"- განაცხადა აკაკი ბობოხიძემ.
უმაღლეს საკანონმდებლო ორგანოში დღეს გამართულ პლენარულ სხდომაზე ხმაური "უმაღლესი განათლების შესახებ" კანონში შესატანი ცვლილებების განხილვას მოჰყვა, როდესაც შინაგან საქმეთა მინისტრის მოადგლემ ლევან იზორიამ ნაციონალური მოძრაობის წევრს აკაკი ბობოხიძეს ნაბიჭვარი უწოდა.
საუბარია შს მინისტრის მოადგილის ლევან იზორიას ინიციატივაზე, რომლის თანახმად, პოლიციის აკადემია საპოლიციო სასწავლებლად უნდა გადაკეთდეს.
აღნიშნული კანონპროექტის განხილვის დროს ლევან იზორიასა და საპარლამენტო უმცირესობის წევრებს შორის სიტყვიერი დაპირისპირება დაიწყო, რის გამოც სესიაზე 5 წუთიანი შევენება გამოცხადდა, თუმცა შესვენების დროს სიტყვიერ დაპირისპირებაში საპარლამენტო უმრავლესობის წევრებიც ჩაერთნენ.
დეპუტატების განმარტებით, სიტყიერი დაპირისპირება დარბაზში გაკეთებულმა რეპლიკებმა გამოიწვია და მმართველი პარტიის წარმომადგენელი დეპუტატები ნაციონალურ მოძრაობის წევრებს მოუწოდებენ თავი შეიკავონ შეურაცხმყოფელი განცხადებების გაკეთებისგან.
"მოსმენის ფარგლებში პრინციპების დონეზე ისმის კითხვები. თუ გაქვთ მუხლებთან დაკავშირებით, მეორე მოსმენის ფარგლებში დამისვით კითხვები,"- მიმართა ლევან იზორიამ ნაციონალური მოძრაობის წევრებს და საპარლამენტო უმცირესობის წარმომადგენელს მიხეილ მაჭავარიანს მოუწოდა, ადგილიდან წამოძახილებით ხელს ნუ უშლიდა კანონპროექტის წარმოდგენისას.
მაჭავარიანსა და იზორიას შორის დაწყებულ შელაპარაკებაში საპარლამენტო უმცირესობის კიდევ ერთი წევრი აკაკი ბობოხიძეც ჩაერთო, რომელმაც მის მიერ გაკეთებული რეპლიკის გამო, სხდომის წამვანისგან, პარლამენტის თავმჯდომარის მოადგილე მანანა კობახიძისგან შენიშვნა მიიღო.
"ბობოხიძე, შენ მაგ სიტყვებს არ გაპატიებ. უყურე ამას.. ნაბიჭვარი ესა,"-მიმართა აკაკი ბობიხიძეს ლევან იზორიამ.
პარლამენტის წევრებს შორის მომხდარი სიტყვიერი დაპირისპირება უკვე მოწურულია.
