ახლადარჩეული პრეზიდენტი გორგი მარგველაშვილი 17 ნოემბერს დაგეგმილ ინაუგურაციაზე რიგითი მოქალაქეების ვერდასწრების მიზეზებს განმარტავს.
მარგველაშვილის თქმით, აღნიშნულ ღონისძიებაზე გასული წლების ინაუგურაციების ცერემონიებთან შედარებით, 4-ჯერ ან 5-ჯერ ნაკლები თანხა იხარჯება და ამის მიზეზი ქვეყანაში არსებული მძიმე სოცალური ფონია.
"ჩვენ გადავწყვიტეთ, რომ თანხა, რომელიც უნდა დაიხარჯოს ინაუგურაციაზე, მიუხედავად იმისა, რომ ეს არის ძალიან მნიშვნელოვანი დღე ჩვენი სახელმწიფოსთვის, ჩვენი ხალხისთვის, მაინც შევეცადეთ, რომ რაც შეიძლება ლიმიტირებული იყოს ის თანხა, რომელიც დაიხარჯება ამ დღეს. მე მგონი, 4-ჯერ თუ 5-ჯერ ნაკლები იხარჯება იმიტომ, რომ საქართველოს ეკონომიკურად ჯერ კიდევ უჭირს, იმიტომ, რომ ჯერ კიდევ არიან ადამიანები ჩვენს ქვეყანაში, ვისაც სჭირდებათ საგანგებო დახმარება. როდესაც ბევრად უფრო მეტად წელში გავიმართებით ეკონომიკურად, ბევრად უფრო პომპეზურ ინაუგურაციებს მოვაწყობთ,"- განაცხადა გიორგი მარგველაშვილმა.