ახლადარჩეული პრეზიდენტის გიორგი მარგველაშვილის განცხადებით, იგი 17 ნოემბერს, ინაუგურაციის დღეს ფიცის დადების შემდეგ, პარლამენტის ეზოში სპეციალური მიმართვით აპირებს გამოსვლას.
მარგველაშვილის თქმით, იგი სიტყვის წარმოთქმისას ყურადღებას ქვეყნის საშინაო და საგარეო პრიორიტეტებსა და გამოწვევებზე გაამახვილებს.
"საპრეზიდენტო სიტყვა ითქმევა პარლამენტში. ამ სიტყვას მე ვიტყვი 2 დღის შემდეგ და იქ იქნება საერთაშორისო თემებზე საუბარი, საშინაო თემებზე საუბარი, საუბარი იქნება იმ მიღწევაზე, რომელიც იყო ეს არჩევნები დემოკრატიიის კონსოლიდაციის თვალსაზრისით და ბოლომდე დღეს ვერ ვიტყვი სიტყვას,"- განაცხადა გიორგი მარგევალშვილმა.
