მანანა მანჯგალაძემ პრეზიდენტის პრესსპიკერის თანამდებობა დატოვა
როგორც მანჯგალაძემ დღეს გამართულ ბრიფინგზე აღნიშნა, ეს იყო მისი ბოლო შეხვედრა ჟურნალისტებთან ქვეყნის პირველი პირის პრესსპიკერის რანგში.
მანჯგალაძემ პრეზიდენტ მიხეილ სააკაშვილს, პრეზიდენტის პრეს-სამსახურის უფროსს ნათია ბანძელაძეს და პრეზიდენტის ადმინისტრაციის ყოფილ ხელმძღვანელს დავით ტყშელაშვილს მადლობა გადაუხადა.
"მადლობას ვუხდი საქართველოს პრეზიდენტს, მიუხედავად შეცდომებისა, სიჩქარისა, ხარვეზებისა, ვიცი, რომ ამ სიტყვების წარმოთქმა არაპოპულარულია, მაგრამ უნდა ვთქვა, რომ ვამაყობ, რომ ვიდექი საქართველოს ერთ-ერთი ყველაზე გამორჩეული პოლიტიკური ლიდერის გვერდით, რომელმაც ქვეყანა სრულიად სხვა მოცემულობაში გადაიყვანა,"- განაცხადა მანანა მანჯგალაძემ.
