ქვემო ქართლის გუბერნატორი დავით კირკიტაძე თანამდებობის დატოვების შემდეგ, სწავლის გასაგრძელებლად ამერიკის შეერთებულ შტატებში წასვლას გეგმავს.
როგორც კირკიტაძემ „პირველი რადიოს" რადიოკლუბში სტუმრობისას განაცხადა, ის პოლიტიკიდან წასვლას არ აპირებს, მჭიდროდაა დაკავშირებული "ნაციონალურ მოძრაობასთან", თუმცა მაგისტრის ხარისხის მისაღებად, შესაძლოა გარკვეული პერიოდის განმავლობაში ქვეყნის დატოვება მოუწიოს.
„ჩემი მომავალი გეგმები მჭიდროდ არის დაკავშირებული „ერთიან ნაციონალურ მოძრაობასთან", მე ვარ ამ პარტიის პოლიტსაბჭოს წევრი და პოლიტიკაში ყოფნას ვაპირებ. იმის გამო, რომ სამოქალაქო სექტორში ძალიან დიდი კონკურენციაა, მე გადავწყვიტე რომ ჩემი მომავალი დავუკავშირო ისევ პოლიტიკურ საქმიანობას. მე არ გამოვრიცხავ, რომ გარკვეული პერიოდის განმავლობაში მომიწიოს ქვეყნის დატოვებაც. მინდა, რომ მაგისტრის ხარისხი გავაკეთო ამერიკაში. რის გამოც 4 თვე უკვე ვიყავი წასული და ველოდები მოწვევას იქიდან, რომ ჩემს გრაფიკთან ერთად ავეწყო, თუმცა ვრჩები პოლიტიკაში",-განაცხადა დავით კირკიტაძემ.
