საქართველოს პრეზიდენტი მიხეილ სააკაშვილი არჩეული პრეზიდენტის ინაუგურაციაზე შესაძლო დასწრების თაობაზე განცხადებას თავად გააკეთებს.
როგორც პრეზიდენტის პრეს-სპიკერმა მანანა მაკნჯგალაძემ "ჯი-ეიჩ-ენთან" საუბრისას აღნიშნა, ჯერჯერობით უცნობია მიხეილ სააკაშვილი მოსახლეობას ვრცელი საბოლოო სიტყვით მიმართავს თუ მხოლოდ ინაუგურაციაზე შესაძლო დასწრების ან არდასწრების თაობაზე ისაუბრებს.
ამასთან, მანჯგალაძემ აღნიშნა, რომ ამ დროისთვის მიხეილ სააკაშვილი საქართველოში არ იმყოფება.
გავრცელებული ინფორმაციით, მიხეილ სააკაშვილი 17 ნოემბერს ახალი პრეზიდენტის ინაუგურაციას არ დაესწრება.