ეროვნული უშიშროების საბჭოს მდივნის მოადგილე თამარ კინწურაშვილი თანამდებობას მომავალი კვირის ბოლოს დატოვებს.
როგორც კინწურაშვილმა "ჯი-ეიჩ-ენთან" საუბრისას განმარტა, იგი დაელოდება უშიშროების საბჭოს ახალი მდივნის, ირინა იმერლიშვილის ოფიციალურად დანიშვნას, უწყების ახალ ხელმძღვანელობას საქმეებს გადააბარებს და მხოლოდ ამის შემდეგ დაწერს განცხადებას თანამდებობიდან მისი წასვლის თაობაზე.
ცნობისთვის, ეროვნული უშიშროების საბჭოს მდივანი გიგა ბოკერია თანამდებობიდან უკვე გადადგა. აღნიშნულ თანამდებობაზე ბოკერიას პარლამენტის საპროცედურო საკითხთა და წესების კომიტეტის თავმჯდომარე ირინა იმერლიშვილი ახალი პრეზიდენტის ინაუგურაციის შემდეგ შეცვლის.