ახლადარჩეული პრეზიდენტის, გიორგი მარგველაშვილის ინაუგურაციაზე დამსწრე ამერიკული დელეგაციის შემადგენლობა ამ დრომდე უცნობია.
საქართველოში ამერიკის შეერთებული შტატების ელჩის რიჩარდ ნორლანდის განცხადებით, აღნიშნულ ღონისძიებაზე დამსწრე ამერიკული დელეგაციის შემადგენლობა მოგვიანებით გახდება ცნობილი.
"მოუთმენლად ველოდებით ინაუურაციას, რომელიც 17 ოქტომბერს გაიმართება. როგორც კი დაზუსტდება სტუმრების შემადგენლობა, ეს აუცილელად გახდება ცნობილი,"- აღნიშნა რიჩარდ ნორლანდმა.
საგარეო საქმეთა სამინისტრომ უკვე გაავრცელა გიორგი მარგველაშვილის ინაუგურაციაზე დამსწრე დელეგაციის არასრული შემადგენლობა. აღნიშნული სიის შემადგენლობაში ევროკავშირის თავმჯდომარე ქვეყნის, ლიტვის პრეზიდენტი, სხვადასხვა ქვეყნების მინისტრები და მინისტრის მოადგილეები და ელჩები არიან. მარგველაშვილის ინაუგურაციას კავკასიასა და ცენტრალურ აზიაში ნატოს-ს გენერალური მდივნის პეციალური წარმომადგენელი ჯეიმს აპატურაიც დაესწრება.
